كـــــل فالنتاين

و الناس كارهة بعضها

و الغــل ف  القلوب

و الفقــر ف الجيوب

و الزمـن معيـوب

و خطاوي ضايعة

ف دربها

و ابن البلد على البلد

قاسي

و لكل أيام الفرح

ناسي

مع إن قلبه ف بحرها

راسي

لعدوه بيبيع عِرضها

آه يا بلد لو تسمعي

صوتي

لو تدخـلي للقلب

و تفـوتي

أفدي ترابك لو التمن

موتي

مين ينتصـر للأم إلا إبنـها

إحنا اللي شوهنا دنيانا

بإدينا

إحنا اللي يا ما خدنا و لا مرة

إدينا

للبلد خنجر بإدينا

مدينا

و العِدا لبلادنا بتحفر

قبرها.